• Font size:
  • Decrease
  • Reset
  • Increase

الفنانة إيمى المولى : السيسى أصبح زعيمآ حتى قبل أن يكون رئيسآ

الفنانة إيمى المولى : السيسى أصبح زعيمآ حتى قبل أن يكون رئيسآ

- أنا مع الحكم العسكرى لمصر وهذة أسبابى ...

- أعتبر ثورة 30 يونيو هى الثورة الحقيقية

- مبارك كان يحب بلدة و حافظ عليها

- نعم غادرت مصر خلال سنة حكم الأخوان وهذة هى الأسباب ...

- 90 % من الأعلام المصرى منافق

- تركت الفيس بوك لأنى زهقت

*هى شخصية صريحة وواضحة و جريئة فى ارائها لا تخشى فى الحق لومة لائم .. ربما تكون قد أكتسبت تلك الطباع من معيشتها فى بلاد الأنجليز أربعة عشر عامآ .. بلا شك قد دفعت ثمنآ لجرأتها فى التعبير عن ارائها خاصة و انها كانت من أول المدافعين عن الرئيس السابق حسنى مبارك و رفضت إهانتة ووصفت وقتها بأوصاف سيئة ربما وصلت للشتائم الا انها لم تهتز ولم تنافق و لم تغير ارائها ولم تكن بوشين مثل كثير أو على الأقل بعض المنتمين للوسط الفنى وهذا يحترم .. أكتشف الكثيرون ان ارائها كانت صوابآ و أعتذروا لها و ربما الكبّر منع آخرين من الأعتذار الا انهم أدركوا فى قرارة نفوسهم أنها كانت على حق .. أنها الفنانة الجريئة إيمى المولى التى كان لنا معها هذا الحوار الذى رأينا تركة كما كتبتة باللهجة ما بين الفصحى و العامية ليكون أقرب للتعبير عن ارائها :-

هل نزلتى يوم خمسة و عشرين يناير لتأييد الفريق السيسى و تحدى الارهاب ام نتيجة الزحام فى الميادين فضلتى المتابعة من المنزل ؟

 لم اكن بمصر وقت احتفال عيد الشرطه .. كنت مع زوجي في لبنان... بس لو كنت في مصر اكيد كنت هنزل

لتآييد  المشير السيسي... وبايده كل يوم... مش بس اليوم ده . 


 هل شعرتى بالخوف نتيجة الانفجارت التى وقعت يوم الرابع و العشرين ؟

 لا... لانني اعلم جيدا انها نتيجه طبيعيه للتخلص من كارهي وطني... ده بالعكس... انا كنت متوقعه اكتر من كده

 بكتير... ضريبه ولازم ندفعها.... بس للاسف الشعب كله بيدفعها مش بس اللي ورطونا في البلوه دي .

ما هى الاسباب التى تجعلك ترين ان الفريق السيسى هو الرئيس القادم ؟

  السيسي اصبح زعيم من غير رئاسه... فقد وقف وقفه الرجل الوطني بكل المقاييس.. في وقت كثير من الاسماء اللي كانت على الساحه و عمليين فيها وطنيين باعوا ضمائرهم و خانوا وطنهم بكذا

اسلوب... و اراهنك ان لو  المشير السيسي رشح نفسه في الوطن العربي هيكسب باكتساح..ف الكل محتاج رجل قد تنفيذ كلامه و حبيب لوطنه الي ما لا نهايه .


ما رأيك فيمن يتخوف من عودة الحكم العسكرى لمصر خاصة فى مجال التضييق على الحريات؟

 حريات ايه و تضيق ايه؟  انا عشت في انجلترا ما يقارب ١٤ عام... و لم ارى ما يسمونه ديمقراطيه او حريه اواي حاجه من دي كما اراها في مصر حتى انها وصلت للبجاحه و قله الاخلاق و

انعدام التربيه..و اصبحت سب علني.... للاسف هذه ما يسمونها حريه...

 و انا مع الحكم العسكري... عشان دول بس اللي عارفين قيمه تراب بلدي (فمصر جنه الله علي الارض، و لم يتجلى فيها المولى عز و جل من فراغ) و دول بس اللي بيدفعوا تمن ترابها لو اتاخذ

مننا... الباقي كله بيطبل لمصالحه الشخصيه... و لكني مع حكومه مدنيه بس تكون بتحب مصر و مش منتميه لاي حزب من الاحزاب المزيفه الموجوده...فمصر بحاجه لاداره جيده... و لو ده حصل

صدقني مصر دي هتبقى من دول العالم الاول و بكل سهوله.... عندنا موارد طبيعيه و بشريه لو اتوظفت صح، في ظرف شهور مصر دي هتبقى في حته تانيه.

  هل تعتبرين ثورة 30 يونيو هى الثورة الحقيقية ؟

 طبعا و بدون شك .

  هل شاركتى فى الاستفتاء على الدستور و ما رأيك فى النتيجة ؟

 نعم نعم نعم نعم ..... و كان لازم تتطلع نعم..

  

كنتى من اوائل المدافعين عن الرئيس السابق حسنى مبارك عبر كتاباتك على الفيس بوك و هوجمتى وقتها كثيرآ فهل اثبت الزمن انك كنتى على حق ؟

 ياهههههههه دا انا اتشتمت لما شبعت شتيمه... بس ولا فرق معايه... فقد كنت على حق...و مازلت على حق

امي ربيتني على احترام الكبير... والحمد لله ما عنديش سواد ولا حقد طبقي... محدش فينا ملاك ، اكيد الرئيس مبارك كان ليه اخطاء...بس  كان بيحب بلده و حافظ عليها....يكفي ان جيلي لم يخض اي حروب..ويكفي انه هو الوحيد اللي نفذ ما كان مطلوب من انتفاضه يناير ٢٠١١ ...و يكفي احترامه للقضاء و القانون

و على فكره.... ناس كتير اوي من اللي شتموني اعتذرولي...بس كان بعدها بسنتين.

 

هل ترين ان هناك طريقة ما لتعويض هذا الرجل عما اصابة من اهانة نتيجة محاكمتة هو و اولادة بعد ان قضى عمرة فى خدمة مصر ؟

  ربك اللي بيعوض... و ربنا بيرجعلو حقوا هو و اولاده...و ربنا ليه اسبابه .... و اكيد لا هو ولا اولاده مستنين حاجه من حد. ليهم رب اسمه الكريم .

 

هل غادرتى مصر خلال سنة حكم الاخوان وعشتى فى لبنان مع زوجك ؟

 

نعم...  فالوضع كان لا يطاق... و مناظر البني ادمين اتغيرت...اصبت بتلوث بصري.... وباعو البلد باكملها...

فقلت امشي قبل ما يتفقوا على بيع افراد الشعب المصري...و جت فرصه ان زوجي كان مرتبط باعمال كثيره

في لبنان فكان لابد السفر .


لماذا فى رأيك تحول الشعب المصرى من اختيار الاخوان لكراهيتهم و معاداتهم خلال اقل من سنة؟

 

فئه واحده فقط لم تختار الاخوان لانهت قارئه لتاريخهم و عارفه اللي هييجي من وراهم... اما البقيه المغيبه ووقتها كانو كتير هما اللي جابولنا الهم اللي مرت بيه مصر لمده سنه.... و اغلبيتهم الان

نادمين.... بس احنا شعب لازم يجرب النار عشان يعرف انها بتلسع... مش بيفهم بالكلام... و بيفتكروها فزاعه... لذلك كان لازم ده يحصل عشان الناس تفوق و روح الوطنيه ترجع و نخلص من

الاخوان دول للابد... و عقبال باقي الدول اللي لسه بتعاني .

 

 ما رأيك فى التعامل الاعلامى مع الاحداث السياسية فى مصر و ما هى القنوات التى تحبين متابعتها و القنوات التى ترين انها تضلل الشعب المصرى ؟

  ٩٠٪ منه منافق.... كل كام شهر برآي.... و الاعلاميين  ولا بلاش خليني ساكته...ههههههه .... بس بما انك سالت السوال ده فانا مش هشكر غير رولا خرسا... فقد كانت منذ البدايه و حتي الان بنفس

المبدأ لم تتغير في ارائها و مبادئها مع الأحداث.

 

 لماذا اصبحتى مقلة فى الظهور على الفيس بوك بعد ان كنتى من اكثر الفنانيين تعاملآ معة ؟

 

عشان زهقت.... و الناس مش عايزه تفهم... حاولت كتيررررررررررر اشاركهم قرائتي للتلريخ و تحليلاتي ووجهات نظري اللي طلعت كلها صح بعد ٣ سنين.... بس مكنش فية فايده.... و خسرت


ناس كتير فقلت كفايه  كده عائلتي اولى بالمجهود النفسي و الذهني ده .

 

 هل ترين ان الفنان من الممكن ان يدفع ثمن مواقفة السياسية و يصاب بالضرر فى عملة و فنة ؟

 نعم...و هذا قد حدث معي... لقد تم استبعادي من اكثر من عمل درامي بسسبب من يسمونني فلول او حزب الكنبه...او من عبيد  البياده.... بس انا ساظل علي ما انا عليه من راي او وجهه نظر... عشان

انا اللي طلعت صح في الاخر... و يكفي شرف اني عمري ما شتمت لا جيش ولا شرطه بلدي...و لا طالبت بالفوضي و لا شاركت في مسيرات تؤذي البلد اللي ربنا كرمها و كرم جنودها الي يوم

الدين .

 هل انجبتى توأمك سالم و سارى فى أمريكا كنوع من ضمان مستقبل افضل لهما وهذا حق كل أم ؟

 المستقبل بيد الخالق و معلوم عنده....  تفرغت اثناء حملى لدراسه التمثيل للمره الثانيه و المتابعه المكرسه و قد سبق لي هذا اثناء حملي بابني يوسف في ٢٠٠٨ ... عملت دبلومه في التمثيل و الانتاج

في New York Film Academy في Los Angles ..فكان باستطاعتي منحم الجنسيه الانجليزيه مش شرط امريكا يعني.

بس انا من الامهات التي تفضل ان يكون لاولادها جنسيات اخري من اجل المميزات و التامين الاجتماعي و اشياء كثيره//// بالرغم اني متاكده ان الجنسيه المصريه هتكون اهم جنسيه في الدنيا

قريب اوي و هتاخد امتيازات مش موجوده في اي بلد تاني....ربنا بس يباركلنا في السيسي و امثاله.. عشان دول بس اللي هيخلوها كده .

 

كيف هى العلاقة بين يوسف و التوأم الجديد و هل تقسمين اهتمامك بينهم بشكل متوازن ؟

 طبيعي كان في نوع من الغيره في الاول عشان يوسف كان اول حفيد للعائلتين....و كان الاهتمام بيه مكثف خصوصا من اهلى عشان انا بنت وحيده..... بس  لجئت لاساليب علميه لامحي هذه الغيره و

استبدلها بحبه لاخواته... يوسف من اول من علم بحملي....و غسان كان على طول بيجهزوا لاستقبال اخويه التوأم.... و الحمد لله وفقنا.

  هل تشعرين ان هناك سيدات يحسدونك على زوجك غسان وهل تؤمنين بالحسد ؟

 اكيييييييد بؤمن بالحسد.... و اكيد طبعا محسوده على جوازي من غسان... بس على فكره هو كمان محسود هههههههههه 

ولكن في ناس كتير نظيفه و معنداش سواد و كفايه دعواتهم لينا مع كل صوره بتنزلنا علي شبكات التواصل الاجتماعي و خصوصا الانستاجرام...

بيسمونا افضل ثنائي فني...و دعوات ربنا يتقبلها بالستر و الصحه و دوام الحب و العشره...

و انا من قلبي بشكر كل حد فيهم عشان ده افضل رد على الناس المنفسنه و النفوس السوده التي تسعى الي خراب بيتي و تشتيت عائلتي.

 كيف تحافظين على علاقة الحب بينكما و استمرارها قوية ؟

 بالصداقه.... بعيدا عن كوني زوجته و ام اولاده، فاكثر اللحظات اللي غسان بيحبني فيها لما بكون صديقته...

هي معادله صعبه شويه لان الزوجه ممكن متستحملش حاجات مثل الصديق... بس ده اللي بحاول اعملوا على

طول... فهذا ما يجعل الزوجين بعيدين عن الملل و الروتين... خصوصا لو جنونهم واحد و اهدافهم متشابهه .

 

هل هناك نية لتقديم عمل فنى مشترك بينكما ؟

 

النيه موجوده اكيد... بس لم يعرض شىء حتي الان يشد غسان للخوض في عمل فني... فقد رفض العديد من الادوار....

غسان ذو ملامح و تكوين جسماني خاص.. ما لوش في الادوار الرومانسيه

الاوفر...بس اذا ان شاء الله وجد الدور الذي يراه مناسبا اكيد سوف نخوض التجربه سويا .

 

 كيف ترين مستقبل مصر فى الفترة القادمة ؟

 انا شيفاها احلى ما في الدنيا و هتبقي قد الدنيا ان شاء الله .

 

 ماذا عن اعمالك الفنية الجديدة ؟

 ان شاء الله سوف اتواجد في رمضان المقبل... بس داري على شمعتك بقه... لما نبتدي تصوير هتكون اول من يعلم ان شاء الله

 

 بما انك كنت منتجة هل تنوين انتاج البوم غنائى لنفسك ام ان الداون لوود قضى على فكرة الالبومات الغنائية ؟

  البوم اكيد لا.... بس ان شاء الله ناويه على فيديو كليب في العيد الصغير .

 

 من هم صديقاتك من الوسط الفنى و هل هناك صداقات حقيقية فى الوسط ؟

 

 الحمد لله علاقتي بزميلاتي و زمايلي طيبه جدا.... نتزاور و نسافر ولا نفشي باسرار بعض العائليه و دي اهم حاجه... بحب الخصوصيه و بحترم خصوصيه الاخرين

 

 كلمة اخيرة لجمهورك المتشوق للسماع منك ؟

 والله انا اللي متشوقه ليهم اكتر.. و متشوقه لنزول ما احضر ليه من اعمال عشان اعرف ارائهم و اتواصل معاهم

للي في مصر اقولهم... والله هتبقي احلى بلد في الدنيا و افتخروا بيها حتي في أزاماتها...

و للي مش في مصر... اقولهم ربنا يهدي سرنا جميعا و يبعد عننا من يؤذي و يسعي في اذي و تاخر اي بلد عربي

و يا رب يعجبكم اعمالي القادمه ان شاء الله .

 

  

طريقة العرض :