• Font size:
  • Decrease
  • Reset
  • Increase

إسلام إبراهيم : مشاركتى فى أس أن أل بالعربى حققت لى جماهيريه فى الشارع المصرى و العربى


أستطاع الفنان الشاب إسلام إبراهيم أجتذاب الأنظار اليه منذ مشاركته فى العرض المسرحى بعد الليل من أخراج المخرج الكبير خالد جلال وذلك من خلال استوديو المواهب الذى شارك فيه اسلام مع مجموعه من زملائه و زميلاته الفنانيين و الفنانات الشباب و الذين انتقل جزء منهم للمشاركه فى البرنامج الكوميدى الشهير أس أن أل بالعربى والذى يعرض حاليآ على شبكه أو أس أن المشفره و أستطاعت المجموعه و خاصه اسلام أثبات موهبه و حضور كوميدى عالى خاصه و انهم يمثلون أمام نجوم و نجمات من اهم فنانى مصر و الوطن العربى هم ضيوف الحلقات و تداول رواد الفيس بوك مقاطع فيديو من البرنامج ل الأسكتشات الكوميديه التى تألق فيها اسلام و زملائه مع اسلام ابراهيم كان لنا هذا الحوار القصير :-

كيف جائت مشاركتك مع باقى زملائك من استوديو المواهب خالد جلال فى برنامج اس ان ال بالعربى؟

أستاذ طارق الجنايني منتج البرنامج حضر العرض المسرحى بعد الليل  واختارني من العرض وبعد ان خبرنى  بفكرة البرنامج تحمست جدا

و فى رايك ما سر براعتك فى اداء شخصيه المرأه سواء فى البرنامج او على المسرح ؟

انا أجسد كل الشخصيات و قدمت  حتى الآن اكتر من 30 سكتش منهم 3 فقط جسدت فيهم فيهم دور ست لكن هم اكتر حاجة بتعلق مع الناس . وكل الكوميديانات في مصر من ايام اسماعيل ياسين و  فؤاد المهندس مرورا بسمير غانم وعادل امام وعلاء ولي الدين وهنيدي قدموا شخصيه الست  و أحبهم الجمهور فيها

حدثنا عن اكثر الحلقات التى احببتها و الاسكتشات القريبه لقلبك فى البرنامج ؟

اكتر حلقة حبتها حلقة روبي لانها انسانة تلقائية ومتعاونة جدا واكثر اسكتش قريب لقلبي سكتش سواق التاكسي الرغاي لان ابويا حبه اوي وضحك من قلبه عليه وانا مبسوط اني عملت حاجة تسعده

هل تمثيلك وسط مجموعه من زملائك و وجود تفاهم بينكم سهل من مهمتك ؟

زمايلي في البرنامج كلهم صحابي واكتر من اخواتي والكيميا عالية بينا جدا وده بيظهر جدا في الشغل

كيف كان العمل مع  شادى الفونس و خالد منصور و بم يتميز كل منهم ؟

خالد منصور وشادي الفونس متصالحين مع نفسهم جدا ومتعاونين وبجد ساعدوني كتير بالذات خالد

هل تضيف من عندك للورق المكتوب ايفيهات او لزمات معينه ؟

احيانا بنضيف افيهات لكن  في النهاية هناك مخرج للعمل بيحدد ايه اللي ينفع وايه اللي مينفعش

هل تتوقع نجاح اكبر للبرنامج عند عرضه على قنوات غير مشفره و هل سيؤدى هذا النجاح لفتح فرص اكبر امامك ؟

بالرغم من ان البرنامج بيتعرض على قناة مشفرة الا انه حقق نجاح كبير اوي والناس بدات تعرفنا في الشارع واعتقد انه لما يتعرض على القنوات المفتوحة هيحقق انتشار اكتر

طريقة العرض :